Velkomen til Vestlandsutstillingen sine nettsider

INFORMASJON OM VESTLANDSUTSTILLINGEN

Vestlandsutstillingen er den eldste landsdelsutstillinga, og vart for fyrste gong vist på Bergen Kunstforening i 1922. Det har heilt sidan starten vore ei juryert gruppeutstilling med fri innsending. I byrjinga bestod juryen av 5 kunstnarar som var valt av biletkunstnar-organisasjonane, men har sidan 1998 bestått av 1–3 inviterte kuratorar. Formålet med utstillinga er å arrangere ei årleg utstilling med verk av kunstnarar som har tilknyting til Vestlandet. Utstillinga skal vise frem samtidskunst av høg kvalitet som speglar den vestlandske kunstscena ut mot resten av landet.

Vestlandsutstillingen er ei foreining som er eigd av sine medlemmer frå kunstnarorganisasjonane Bildende Kunstneres Forening Hordaland, Bildende Kunstneres forening Møre og Romsdal, Bildende Kunstneres forening Sogn og Fjordane og Bildende Kunstneres Forening Rogaland, samt Kunsthuset Kabuso, Stiftelsen Kulturkvartalet, Kunsthall Stavanger, Haugesund Kunstforening, Kunstgarasjen og Sunnfjord Kunstlag.

Turneen vert støtta av fylkeskommunene i Hordaland, Møre og Romsdal, Rogaland og Sogn og Fjordane.

For spørsmål og meir informasjon, ver venleg å kontakt Vestlandsutstillingen sin utstillingsleiar Anneli Belsvik Aras på kontakt@vestlandsutstillingen.no

Vestlandsutstillingen 2019 er kuratert av Marte Danielsen Jølbo og opnar i Kunstmuseet Kube den 8. februar 2019.

Visningsstader 2019: 

8. februar – 10. mars, Jugendstilsenteret og KUBE, Ålesund
22. mars – 21. april, Haugesund Billedgalleri
4. mai – 2. juni, Kunsthuset Kabuso, Øystese
14. juni – 28. juli, Kunsthall Stavanger
31. august – 22. september, Sogn og Fjordane Kunstmuseum, Førde
10. oktober – 3. november, Kunstgarasjen, Bergen

Velkomen!

 

Følg også med i pressen & på vår facebook side.