Kjersti Solbakken

Kurator for Vestlandsutstillingen 2015. Kjersti Solbakken (f. 1984) er kurator busett i Oslo. For tida er ho tilsett som kurator ved Astrup Fearnley Museet der ho i samarbeid med Gunnar Kvaran har kuratert utstillinga Biography av Elmgreen & Dragset. Saman med Andreas Liebe Delsett etablerte ho i 2007 Feil forlag. Solbakken er også medarrangør av Tekstallianse, ein nordisk festival for småforlag og tidsskrift. Sidan 2011 har ho drive prosjektrommet Holodeck saman med Lina Norell og Silja Leifsdottir. Ho er utdanna kunstnar frå Kunstakademiet i Oslo og fullførte i 2012 studiet Skapende Kuratorpraksis ved Kunsthøgskolen i Bergen. Sidan 2017 er Kjersti Solbakken leiar for Kunstnerforbundet i Oslo.